Tĭng nĕ, n’gor đă ăp ntŭk, ngih pah kan, ntŭk kan nuĭh tơm ntuh kơl lôch jêh trong kan ndâk ƀư, uănh năl n’hanh uănh an dăp rgum nkual têh, thôn ƀon; ăp xă an jêh dăp rgum nsum gưl xă tâm 6 khay năm aơ. Ban mât uănh nău nchrăp ƀư ntuh kơl ndâk njêng mrô 1 dơi jao ƀư dăp rgum nsum nkual têh đah 5 phường tâm êp geh Xuân Hương-Đà Lạt, Lâm Viên-Đà Lạt, Xuân Trường-Đà Lạt, Cam Ly-Đà Lạt n’hanh Lang Biang-Đà Lạt, lôch jêh tâm khay 8 tât.

Nkre mbơh ƀư dăp rgum nsum nkual têh đah 4 phường tâm êp nkual Bảo Lộc jêh rnôk rgop nău bah Ban Thường vụ N’gor ủy. Ban mât uănh nău nchrăp ƀư ntuh kơl ndâk ƀư mrô 2 ƀư tĭng ăp samƀŭt dăp rgum nsum nkual têh đah 6 phường tâm êp nkual Phan Thiết n’hanh 2 phường tâm êp Phước Hội-La Gi, lôch jêh tâm 6 khay aơ. Đah nkual pâl nđaih ngih dak n’glău Tuyền Lâm, dơi jao ndăn ndâk ƀư dăp rgum nsum tât năm 2050 jêh rnôk nău kan dăp rgum dơi uănh.