VOV4.M’nông- Nar 7/7, HĐND n’gor Lâm Đồng khóa 10 lĕ ntơm pơk rơh rƀŭn nchră tal 6 gay ma tâm nchră n’hanh ngluh mbơh ăp trong kan ndâk nsơm nău mô dơi, an geh ntrôl tay nău wăng sa rêh jêng bâh ta ntŭk gay ma hun hao.

6 khay bôk năm 2022, nău wăng sa rêh jêng bâh Lâm Đồng geh âk nău geh dơi têh khlăy. Tâm nĕ, ntoh lư ngăn lah nău wăng sa hun hao 9,29%; geh an tơm prăk ngih dak klâp ma 7.800 rmen prăk, hao rlău 22% đah khay aơ năm e. Lĕ rnoh prăk geh tăch ndơ an dak bah dih lĕ geh rlău 436 rkeh đôlar, hao 43%, n’hanh năch pâl nđaih geh rlău 3,7 rkeh nuĭh, hao 86,5% đah khay aơ năm 2021.

Ăp trong kan đăp mpăn nău rêh jêng, n’huch ach o, rnă njrăng chính trị n’hanh đăp mpăn nău rêh jêng geh mât nâp. Ta meng nău dơi geh, Lâm Đồng hôm nha tâm rdâng đah âk nău jêr jŏt, nău mô dơi, ngăn lah đah nău kan mât uănh bri, mât uănh ndơ ơm geh tâm neh, si gle, dak nor, nău nchrăp kan..Rơh rƀŭn nchră aơ uănh năl nău kŏ văk an geh rgum tâm nchră, mbơh rblang, joi trong kan gay ma mbluh an ueh aih, ntrôl nău wăng sa rêh jêng an hun hao.

          Nuĭh rblang: Thị Đoắt