Nar 4/5, Mpôl pah kan Trung ương tă bah Bí thư Trung ương Đảng, Chánh án Nhih phat dôih ƀon lan gưl têh Nguyễn Văn Quảng ƀư kruanh mpôl hăn hŏ pah kan đah n’gor Lâm Đồng mpeh mât dŏng Đề án Nkual wăng sa meng dak lêng n’hanh ăp trong nchrăp kan nsan hao.

Đề án rƀŏng trong hun hao mhe hvi nklăp 75.000ha, hun hao âk n’gâng kan kơt công nghiệp, nkual ƀon lan gŭ rgum, rhŏ dŏng, ndrâm dak lêng, logistics, ŭnh nar n’hanh pâl nđaih; aƀaơ geh nklăp 210 trong nchrăp, tâm nê 128 trong nchrăp hŏ lăp kan. Ndrâm dak lêng dơi dăp rgum di rnoh ndrâm ntil I, geh nău dơi wơt duk têh tât 150.000 tấn. Lah ta rơh pah kan, wa Nguyễn Văn Quảng lah rjăp ân njêng “nău mha êng”, an lor hun hao ntŭk rgum ŭnh nar têh ƀư n’gâng tơm wăch rgum ntuh kơl, n’hao nău dơi tâm rlong; nkre ƀư dăp rgum đah tâm ntêng lêng nkual, n’hao dăng buăt nthoi ntŭk ntô ndơ dŏng, jêng nkrum wăr hun hao ăp kôp.