Dơn nău jă bah Thủ tướng Ấn Độ Narendra Modi, ôi 5/5, Tổng Bí thư, Kruanh dak Tô Lâm ndrel Mpôl ntơh măt gưl têh Việt Nam hăn khâl gưl Ngih dak tât Cộng hòa Ấn Độ. Hăn khâl ƀư tâm rnôk Việt Nam mhe dăp rgum ăp tŏng kruanh rđău kan n’gâng tơm, mpơl nău uănh khlay mha êng đah Ấn Độ – băl tâm boh têh jong lam lĕ rngôch n’hanh lah băl mpôl way ơm.

Lah ngoăy tâm pe dak lor bôk năp njêng trong tâm boh dja đah Việt Nam, Ấn Độ hŏ ndrel Việt Nam ntrŭt ntrôl tâm boh nar lơn ma jru hvi tâm du rôk năm aơ, yơn ntŭk hun hao hôm sŭng soih âk. Tâm rnôk nô nău tâm nkual n’hanh lam ntur neh geh âk rgoh n’gơ, ndrel đah nău nsan hao dăng bah bar jâng wăng sa, hăn khâl lah rnôk gay kruanh rđău kan bar dak tâm ôp, tor luh ăp trong rƀŏng tâm boh tâm rơh mhe. Aơ lah rnôk hun hao buăt  nthoi đah ăp n’gâng kan, ăp n’gor, doanh nghiệp, lơn lah tâm ăp trong kan công nghệ, ntơm njêng nău kan n’hanh rgâl blău ƀư mhe.