VOV4.M’nông – Trong cao tốc Dầu Giây-Liêng Khương geh dĭng lĕ 200km, dơi pă ƀư 3 nău nchrăp ƀư geh: Dầu Giây-Tân Phú, Tấn Phú-Bảo Lộc n’hanh Bảo Lộc-Liên Khương. Tâm nĕ, 2 nău nchrăp ƀư: Tân Phú-Bảo Lộc n’hanh Bảo Lộc-Liên Khương, dĭng lĕ joi bơi 140km yor UBND n’gor Lâm Đồng-ngih pah kan Ngih dak dơi ƀư. Tĭng UBND n’gor Lâm Đồng, n’gor mbra pă 4.500 rmen prăk tơm prăk n’gor tâm dĭng lĕ 16.200 rmen prăk an 66km trong cao tốc Tân Phú-Bảo Lộc; pă an 10.800 rmen prăk tâm dĭng lĕ 12.000 rmen prăk, an 73 km bah nău nchrăp ƀư trong cao tốc Bảo Lộc-Liên Khương.

Nuĭh ƀon lan n’gor Lâm Đồng uănh tât, uănh rup trong cao tốc

Aơ lah rnoh an tơm prăk n’gor âk ngăn bah Lâm Đồng bah sa ơm tât aƀaơ an du nău nchrăp ƀư ntung trong. Wa Trần Văn Hiệp, Kruanh UBND n’gor Lâm Đồng an gĭt, cao tốc Dầu Giây-Liên Khương lah nău ŭch têh bah cán bộ n’hanh ƀon lan n’gor Lâm Đồng. Yor nê, n’gor lĕ dŭt nsrôih nchrăp, tŏng ăp nău khlay gay nchrăp ƀư dâl rnôk naư nchrăp dơi Thủ tướng chính phủ uănh an ntrŭnh ntuh kơl.

Nuĭh rblang: Y Sưng Phê Ja