Lĕ rngôch trong nchrăp tơm prăk ntuh kơl năm 2026 bah Lâm Đồng dơi Thủ tướng Chính phủ jao bơi 14.900 rmen prăk.

Tâm n’gul khay 6, n’gor mhe n’gluh rlău 2.074 rmen prăk, geh mô hŏ tât 14% trong nchrăp. Nkô̆ tơm tă bah âk trong nchrăp rsŭn tay bah ntŭk nchrăp kan têh mbrơi tâm pah kan nchrăp ntuh kơl, đă ntrơn du, lôch jêh siƀŭt; nău kan nsum đah ăp nhih pah kan lôch n’glăp dơn ngoăy mô hŏ geh nău ăp kôp. Bí thư Tỉnh ủy Lâm Đồng Y Thanh Hà Niê Kđăm uănh năl: n’gluh tơm prăk ntuh kơl dôl lah ngoăy tâm ăp mpăng đêt dŭt têh bah n’gor. Păng đă n’gâng kan 2 gưl n’hanh ăp n’gâng kan dơi kan rgum droh rklaih ăp kô̆ yơn ntrôl ngăch ăp ntŭk nchrăp kan rgum tơm, nkra ăp nău ruih nkai, n’hao nău dơi tam n’gluh tơm prăk ntuh kơl.