Jêh du khay leo dŏng n’gâng kan 2 gưl, n’gor Lâm Đồng dâk tal 4 bah lam dak mpeh rnoh ƀư nau kan tâm ban nuih n’hâm bah neh dak. Yơn lah nau kan leo lăp dŏng ntrong kan kŏ geh du đê̆ nau jêr, nkol tâm gưl xã. Ntoh ngăn lah nau mô tŏng nŭih pah kan geh nau blau nau dơi gay ma rklaih nau kan. Lam n’gor geh 93 xã, phường mô geh cán bộ ƀư nau kan công nghệ thông tin; 60 xã, phường mô tŏng nŭih kan tâm nau kan geh tât ntŭk ntu neh ntu; 33 xã, phường mô tŏng nŭih kan tâm nau mât ndâk nkra...

Ntơm lơ 1/8, UBND n’gor Lâm Đồng hŏ n’hao nau leo dŏng công chức, viên chức sĭt ăp xã kơl an nau kan bah ntrong kan xã. Tâm rnôk aơ, geh 260 nŭih geh leo tât ăp xã. Ndrel ma nê, Công an n’gor Lâm Đồng leo 370 cán bộ công an ndrel rmôt tahen leo 100 dân quân tự vệ tât xã. Nchrăp ăp công chức, viên chức mra geh leo tât xã ƀư nau kan tâm 3 khay, nkre râng nau kan geh đă ƀư, nkre ntĭm nti, ntĭm mbơh nau kan ân cán bộ gưl xã./.