Aơ lah nău đă dơi ndơ̆ ta Rƀŭn nchră rơh tal 5 Ban Chấp hành Đảng bộ UBND n’gor Lâm Đồng năm kan 2025-2030 mhe dơi ƀư. Tâm 6 khay bôk năm 2026, bôl rdâng đah âk jêr jŏt, ntŭl rlong yơn Lâm Đồng hôm e geh âk săk rnglăy uĕh ta ăp ntil nău. Sŏk prăk an ngih dak geh nklăp 18.600 rmen prăk, đah 54% nchroh trok bah n’gor.

Lam n’gor geh rlău 2.600 doanh nghiệp dăn ndâk njêng mhe đah dĭng lĕ prăk rlău 12.000 rmen prăk. Rnoh năch pâl nđaih tât Lâm Đồng kơp geh bơi 12 rkeh nuĭh, hao 18% nkôp đah năm e. Wa Hồ Văn Mười, Kruanh UBND n’gor Lâm Đồng đă ăp rmôt kan bah dâng đảng, cán bộ, đảng viên mât na nao nuih n’hâm lĕ đah nău kan, n’hao tâm rnglăp, nchrăp lor, dŭt n’hâm ƀư tĭng nău; rgum ƀư tâm ban ăp trong mkra gay jêh nău rƀŏng hao jêng wăng sa 2 rnoh mrô tâm năm 2026.