VOV4.M’nông - Nar 26/7, Mpôl groi nđôi bah Quốc hội yor Thượng tướng Trần Quang Phương, Ủy viên Trung ương Đảng, Groi Kruanh Quốc hội leo trong lĕ geh nar pah kan đah UBND n’gor Lâm Đồng mpeh ƀư tĭng ntêm nkrem, mpŭng lir lvang 2016-2021. Năm bah năp, Lâm Đồng lĕ rgum mât uănh rjăp nău sŏk dŏng tơm prăk ngih dak, đăp mpăn sŏk di, sŏk tŏng, nchăng n’gang sŏk mô tŏng n’hanh n’hŭch rnon suăy ơm. Nkre, groi nđôi uĕh sŏk dŏng tơm prăk ăp năm.

Lam ntŭk pah kan

Tâm nĕ, ntêm nkrem geh 324 rmen prăk dŏng an trong kan mât uănh hành chính, rlău 23 rmen 800 rkeh prăk, prăk dŏng ntĭm nti, rlău 23 rmen 500 rkeh prăk, prăk dŏng dak si.... Ntoh ngơi ta nar pah kan, ndơn măt mpôl groi nđôi, Thượng tướng Trần Quang Phương, Groi Kruanh Quốc hội kơp dơn, uănh lah prêh ăp nău nsrôih bah Lâm Đồng tâm trong kan ƀư tĭng ntêm nkrem, nchăng n’gang mpŭng lir lvang 2016-2021. Nkre, đă n’gor an uănh mĭn lơn tay trong kan nkra rgâl hành chính, du mpông-du mpông soih hao, Lâm Đông an rgum lơn tay kơp uănh n’hanh mkra ăp nău phong geh tât neh ntu. Uănh mĭn tay tât nău dơi geh bah Đà Lạt, hun hao ntung trong mhe lơn, tâm di đah trong lam ntŭr neh.

Nuĭh rblang: Y Sưng Phê Ja