VOV4.M'nông: Tă bah ƀư si ƀŭt hôm âk mpưm, cán bộ mât bôk hôm der, tâm nje nău kan ƀư nuĭh ntuh kơl wăch rgum ta n'gor Lâm Đồng geh mbrơi tay. Ntơm bah bôk năm tât aƀaơ, n'gor Lâm Đồng dơn wăch rgum geh 9 trong nchrăp ntuh kơl, đah rnoh hvi neh đăng ký rlău 77ha n'hanh lĕ rngôch tơm prăk  đăng ký ntuh kơl rlău 700 rmen prăk.

Ndrel đah nê, geh 24 trong nchrăp dăn rgâl nkô̆ ntuh kơl, 3 trong nchrăp êng ƀa ƀă geh sŏk mplơ̆, dŭt bah kan. Lĕ rngôch trong nchrăp ntuh kơl hôm geh nău tam ta n'gor aƀaơ lah 969 trong nchrăp, tâm nê dơn geh rlău 600 trong nchrăp ntuh kơl hŏ ƀư lôch jêh n'hanh n'glăp dŏng. UBND n'gor Lâm Đồng năl, wăch rgum ntuh kơl bah n'gor geh mbrơi tay lah tă bah trong kan hôm mpăng đêt, nuĭh mât bôk ăp n'gâng kan mô jăp nơm  kan, der kan n'hanh tâm nje nău kan lơh khuch tât trong dơh uĕh ntuh kơl./.

Nuĭh rblang: Điểu Thân