VOV4.M’nông: Kêng măng 15/7, HĐND nkuăl ƀon têh Hà Nội hŏ geh săm ƀŭt rgum rơh rƀŭn tal 8, HĐND nkuăl ƀon têh gưl 16, năm kan 2021-2026 gay ma uănh, ntrŭnh du đê̆ nkô̆ nau geh nau dơi. Rơh rƀŭn mra ƀư tâm kêng măng 22/7 tât, gay ma uănh, săch Kruanh UBND nkuăl ƀon têh Hà Nội. Bah năp nê, N’gâng kan Chính trị hŏ ntrŭnh nau mrô 567 lơ 14/7 ntrŭnh nau râng Rnâng kan rđau kan ndrel ƀư Groi Bí thư Thành uỷ Hà Nội năm kan 2020-2025. Tĭng nê, Bộ chính trị rđau đă, pă nau kan ân wa Trần Sỹ Thanh, Uỷ viên Trung ương Đảng Bí thư Ban cán sự đảng Kiểm toán Ngih dak, Tổng Kiểm toán Ngih dak mô hôm ƀư Bí thư Cán sự đảng Kiểm toán Ngih dak, gay ma râng Rnâng kan rđau kan, Rnâng kan Thành uỷ ƀư Groi Bí thư Thành uỷ Hà Nội năm kan 2020-2025, nkre mbơh đồng chí Trần Sỹ Thanh gay HĐND nkuăl ƀon têh Hà Nội ƀư Kruanh UBND nkuăl ƀon têh Hà Nội năm kan 2021-2026./.

Nŭih rblang: H’Thi