VOV4.M’nông: Nar aơ, lơ 5/8, ta Nkuăl ƀon têh Đà Lạt, n’gor Lâm Đồng, Hội nhà báo Việt Nam ƀư nar rƀŭn lôch nau kan kơl an ăp nau nchih báo chí ân nâp ueh lvang năm  2016-2020, ntrŭnh bôk nau kan lvang năm 2021-2025. Bơi tât 150 ntoh măt lah ăp nŭih, rđau kan bah ăp Hội nhà báo 19 n’gor, nkuăl ƀon têh tâm nkuăl miền Trung-Tây Nguyên tât râng. Gay lŏ ƀư ân săk tam bôk nau kan kơl an ăp nau nchih báo chí nâp ueh lvang năm 2021-2025 tĭng nau ntrŭnh mrô 558 bah Thủ tướng Chính phủ.

Rơh rƀŭn hŏ dŏng âk mông nar gay ma tâm nchră, mbơh ndrel ntoh nau rgop mpeh nau ƀư nau kan mpeh nkô̆ geh bonh đă ndrel nau tâm di đah ntŭk ƀư kan, kơl an tâm nau mât nâp nau dơi, n’hao nau kan ân ăp nhà báo tâm nau ƀư kan, n’hao nau nâp ueh bah ăp nau nchih ân ăp ntŭk kan báo chí. Ntoh nau tâm nar rƀŭn, wa Nguyễn Đức Lợi, Groi Kruanh Rnâng kan Hội nhà báo Việt Nam lah rjăp, bôk nau kan lŏ ntrŭt dăng nau kơl an báo chí đah tơm prăk âk lơn, tâm nê rgum n’hao nau dơi nau kan, nau ƀư bah ăp hội viên./.

Nŭih rblang: H’Thi