N’gor Dak Lak geh rlău 2,4 rkeh cử tri đah 2.120 nkual nklăch phiếu. Tĭng Đại tá Lê Hữu Tuấn, Groi Giám đốc Công an n’gor Dak Lak, tât rnôk dja pah kan mât đăp mpăn, rnă njrăng an rơh bầu cử ta n’gor dơi an ƀư ăp kôp n’hanh lhăt jăp. Mpôl kan công an ƀư nsum đah Ủy ban bầu cử ăp gưl tĭng ƀư keh mbrô rgum prăp nău lư ƀon lan gŭ, rhŏ dŏng nău in n’hanh pă an thẻ cử tri di quy định. Ndrel đah nê, lĕ rngôch 102 xã, phường ta n’gor hŏ dơi ra uănh tay, tâm pă ntil ăp nkual nklăch phiếu tĭng pe rnoh đăp mpăn gay rdâk njêng trong mât njrăng tâm di. Đại tá Lê Hữu Tuấn mbơh lư:

Băng: “Mpôl kan công an ƀư 10 rmôt pah kan đah rlău 300 cán bộ tahen jŭr tât 102 xã, phường, lor nchrăp rƀah gĭt nău lư n’hanh an ƀư ăp gưl rnoh đăp mpăn rnă njrăng, nkre đah nău dơn kan mât đăp mpăn tâm rơh bầu cử. Nkre mpôl hên ntrôl dăng ăp rơh rdôl lơh mbram nuĭh tih bah năp, tâm n’hanh bah kơi rơh bầu cử Quốc hội n’hanh Hội đồng nhân dân ăp gưl."