VOV4.M’nông – Nkah gĭt 75 năm Nar Thương binh liệt sỹ, măng aơ (27/7) ƀư ntuh rup sŏng dăng đah bôk nău “Khúc tráng ca hòa bình”. Bôk nău kan yor Ban Tuyên giáo Trung ương ƀư tơm, tâm rgop đah N’gâng kan Lao động Thương binh n’hanh Xã hội, Rađiô ntuh rup Việt Nam n’hanh UBND ăp n’gor, nkual ƀon têh lah: Hà Nội, nkual ƀon têh Hồ Chí Minh, Quảng Nam, Bình Định, Hà Giang n’hanh An Giang ƀư. Đah nău way ơm “Ngêt dak nkah gĭt tu dak”, “Rsơl plơng”, khay 7 ăp năm lah di an lĕ rnoi mpôl nkah gĭt ndrel, nkah gĭt ăp nuĭh lĕ roh lĕ nting mham an đăp mpăn ƀon tơm. Đah 6 ntŭk ƀoh ta: Hà Nội, nkual ƀon têh Hồ Chí Minh, Quảng Nam, Bình Định, Hà Giang n’hanh An Giang, “Khúc tráng ca hòa bình” lah bôk nău kan khlay, djôt tâm nău janh dăng bah rnoi mpôl, ăp nuĭh lĕ roh n’hanh khĭt an nău ŭch đăp mpăn bah nuĭh Việt Nam tâm âk jong rach năm rnoi mpôl.

Nuĭh rblang: Y Sưng Phê Ja