Kêng măng 12/10, Thủ tướng Lê Minh Hưng ƀư tơm rơh rƀŭn nchră đah ăp n'gâng kan, ngih pah kan mpeh đăp mpăn pă điện tâm ăp khay dŭt năm hôm ƀa ƀă năm 2026, tât năm 2030 n'hanh trong rƀŏng rgâl dăp rgum điện VIII. Ta rơh rƀŭn nchră, Thủ tướng Lê Minh Hưng lah na nê̆ nău đă mât đăp mpăn pă điện lah nău khlăy bôk năp, nău kan tơm khlay gay ma ƀư tĭng geh săk rnglay ăp nkô̆ mpŏng kan, nău kan hun hao văng sa - rêh jêng tâm năm 2026 - năm tơm khlay gay ma năm 2027 lah năm hao ngăch, ndâk nsơm n'hanh ƀư tĭng geh săk rnglay ăp nkô̆ mpŏng kan, nău kan bah lĕ năm kan.

Thủ tướng đă, an geh mbơh tơih ăp nhoat hăn răng dăng, têh dăng lơn tay, uănh năl na nê̆ nău kan, nău dơn kan na nê̆ bâh ăp nuĭh tơm kan geh tât đah nău mbơh tơih ƀư tĭng nău ntrŭnh pă điện. N'gâng kan Công thương ƀư tơm, tâm rgop đah ăp n'gâng kan, ntŭk kan geh tât, ăp ntŭk mpeh nau geh mbơh ƀư tĭng ăp nău nchrăp ƀư; ƀư kloh nău dơn kan bah ăp ntŭk kan tâm nău ƀư, mkra ăp nău kŏ kol. Nău mĭn lah nău rgâl an mât đăp mpăn nău dơi, lôch jêh n'hanh ndơ̆ lăp dŏng ăp nău nchrăp ƀư, tĭng di nău ntrŭnh n'hanh đăp mpăn uĕh nâp./.