VOV4.M’nông – Ta nar rƀŭn mbơh nu nău wăng sa-rêh jêng 6 khay năm 2022 yor UBND n’gor Ninh Thuận ƀư kêng măng nđaơ 14/7, ntoh măt N’gâng kan ntung trong lĕ mbơh mpeh nău nchrăp rdâk nkra tay trong ndeh treng Tháp Chàm-Đà Lạt. Trong ndeh treng an dŏng bah năm 1932 n’hanh geh rlu bah năm 1972. Nău nchrăp ƀư jong nklăp 83,5km, tâm nĕ lvang rlău n’gor Ninh Thuận 49 km, đah 17 ga n’hanh ntŭk wơt năch. Bah meng nĕ, geh 64 ntung, 5 trong mŭr n’hanh 16 km nglăp trong ray sêk loih. Gay ƀư nău  nchrăp kan, nchrăp sŏk neh lvang rlău Ninh Thuận 130ha, dŭt âk neh tuch tăm. Ding lĕ rnoh ntuh kơl nău nchrăp ƀư nklăp 27.780 rmen prăk. Nchrăp ƀư trong ndeh treng aơ mbra dơi ƀư bah năm 2024 n’hanh jêh an dŏng, bah năm 2030.

Nŭih blang: Y Sưng Phê Ja