VOV4.M’nông: Măng 24/7, Rnâng kan Đoàn n’gor Kon Tum ƀư nau “Mpoh jrêng nkah ăp tahen janh dăng”. Aơ lah ngoai tâm âk nau kan bah mom ndăm Kon Tum di nkah 75 năm nar tahen sôt rmanh, tahen khĭt 27/7. Nau ƀư “Mpoh jrêng nkah ăp tahen khĭt” geh Rnâng kan Đoàn n’gor Kon Tum ƀư ueh tâm bar ntŭk tơm lah Ntŭk môch tâp tahen khĭt bah n’gor ndrel Ntŭk ngih nkah moh săk tahen khĭt Sư đoàn 10 tâm nkuăl ƀon têh Kon Tum.

Ndrel nê, tâm 47 ntŭk ƀư nau nkah tahen khĭt tâm 10 nkuăl, nkuăl ƀon têh bah n’gor, âk rbăn đoàn viên, druh ndăm 102 xã, phường, nkuăl têh hŏ ƀư nau leo mpoh kthup, leo nkao ndrel ndrel mpoh jrêng tâm rlau 7000 mlâm njrêng ntoh nuih n’hâm nkah jru ngăn tât ăp tahen lĕ khĭt yor nau đăp mpăn, dah rŏng bah neh dak.

Rnôk aơ n’gor Kon Tum geh 7.479 môch tahen geh tâp tâm 10 ntŭk tâm n’gor. 5 năm rlau aơ, ăp rmôt kan bah n’gor rgum geh rlau 233 nting tahen. Lam n’gor geh 49 ntŭk ƀư nkah n’hâm tahen khĭt, tâm nê geh 10 ntŭk tâp rgum, 36 ntŭk mpla moh nkah ăp nŭih tahen khĭt ndrel 3 Ntŭk nkah ăp tahen khĭt./.

Nŭih rblang: H’Thi