VOV4.M’nông- Di rơh kahgĭt 111 năm nar wa Hồ hăn joi trong rklaih đăp mpăn neh dak, kahgĭt 75 năm nar tahen sôt rmanh, tahen khĭt tâm lơh, ôi nar 4/8, ta Bảo tàng Hồ Chí Minh, mpôl đại biểu Đài Tiếng nói Việt Nam yor Ủy viên trung ương Đảng, Tổng Giám đốc Đỗ Tiến Sỹ leo kan lĕ tât mpoh nhang, an kao si kahgĭt nău kan bâh wa Hồ, mpoh su nhang kahgĭt ăp tahen khĭt tâm lơh ta môch tâp tahen khĭt tâm lơh ta nkuăl ƀon têh Hồ Chí Minh.

Tâm nău rngot klâng nĕ, Tổng Giám đốc Đài Tiếng nói Việt Nam Đỗ Tiến Sỹ n’hanh mpôl đại biểu lĕ kŭnh bôk n’hanh su nhang kahgĭt, mpơl nău ryơk têh đah nău kan bâh kruanh Hồ Chí Minh-Nuĭh lĕ ntêm lĕ nău rêh nơm an ƀon lan, an ngih dak, an nău kan rklaih đăp mpăn mpôl rnoi, dơn ngoăy neh dak. Lôch rơh su nhang kahgĭt Hồ Chí Minh, mpôl đại biểu tât mpoh su nhang ta môch tâp tahen khĭt tâm lơh ta nkuăl ƀon têh Hồ Chí Minh ta yôk mô ntơ ta nkuăl ƀon têh Thủ Đức, ntŭk gŭ rlu bâh bơi tât 14.500 tahen khĭt tâm lơh.

Nuĭh rblang: Thị Đoắt