Kêng măng 16/4, Mpôl đại biểu Quốc hội n’gor Kon Tum lĕ mâp nuĭh ƀon lan nkual ƀon têh Kon Tum lor rơh rƀŭn tal 9, Quốc hội khóa 15. Dăn đă đah Mpôl đại biểu Quốc hội n’gor Kon Tum, nuĭh ƀon lan nkual ƀon têh Kon Tum dăn đă, mpŏng ŭch mkra uĕh wăk kol nău mpeh neh ntu, ntoh lư n’hanh nău tă aơ 25 năm nuĭh ƀon lan sŏk prăk hăn rwăt 46 lôk neh gŭ xă Vinh Quang yor UBND xă pă.

Ơh nău ôp nuĭh ƀon lan, wa Dương Anh Hùng, Groi Kruanh UBND nkual ƀon têh Kon Tum, an gĭt, nu nău UBND xă Vinh Quang pă 46 lôk neh ta km7-Quốc lộ 14 an ăp rnăk ƀon lan n’hanh sŏk prăk, Thanh tra n’gor Kon Tum lĕ n’glôn jêh lah rlơ̆ đah nău dơi. Wa Phạm Đình Thanh, Groi kruanh Mpôl đại biểu Quốc hội chuyên trách n’gor Kon Tum, an gĭt, khay 5/2024 Mpôl đại biểu Quốc hội n’gor Kon Tum lĕ djôt dơn dăn đă aơ n’hanh geh sam bŭt njuăl UBND n’gor Kon Tum đă uănh nđôi mkra.