Geh mbơh ƀư bâh lơ 10/7 tât aƀaơ, nău kan mom ndăm tâm kơl ta khay rlu nti ueh nđir n’gor Dak Lak năm aơ geh ƀư ta 9 xã, nkuăl têh ta 7 nkuăl tâm n’gor Dak Lak. Tâm 15 nar ba năp, mpôl pah kan mom ndăm tâm kơl ta n’gor lĕ geh pơk 28 jrô nti ta khay rlu nti an 700 kon hoc rmôt nti tiểu học n’hanh THCS, 1 jrô nti an nuĭh mô gĭt rplay săm ƀŭt ta xã Ea Hiu, nkuăl Krông Păk.

Ƀư leo 93 rơh tâm nđur mom ndăm, tâm nđur văn hóa njroh mprơ ta ăp thôn ƀon, nkdrel đah nău kan mbơh tơih, rgŏ jă mpeh ăp nău ntrŭnh, Nghị quyết bâh Đảng, nău kơl, pháp luật bâh ngih dak, mât kloh ueh ntŭk ntô, mbơh tơih nău gĭt vât mpeh săk soan deh nse an mom ndăm, nău nchrăp mât mbơh tơih deh đê̆ kon ta rnăk vâl, njrăng nău tât mô ueh ta ntŭk rêh jêng. Ƀư tĭng 17 nău kan, nău kan mom ndăm kơt: Mpoh ang trong ƀon, nkra mhe ngih jay, ntŭk rêh jêng, koar kloh ueh n’hong dak, tăm trong kao si mom ndăm, mir kao si mom ndăm.