Rnâng kan rđau kan Trung ương Đảng Cộng sản Việt Nam, Quốc hội dak Cộng hoà xã hội chủ nghĩa Việt Nam, Kruanh dak Cộng hoà xã hội chủ nghĩa Việt Nam, Chính phủ dak Cộng hoà xã hội chủ nghĩa Việt Nam, Uỷ ban Trung ương Mặt trận Tổ quốc Việt Nam ndrel rnăk vâl dŭt n’hâm rngot, mbơh nau: Đồng chí Trần Đức Lương, Uỷ viên Bộ chính trị, Kruanh ơm dak Cộng hoà xã hội chủ nghĩa Việt Nam, Kruanh Hội đồng neh dak ndrel rnă njrăng, deh lơ 5/5/1937l; ƀon tơm: Xã Phổ Khánh, nkuăl Đức Phổ (rnôk aơ lah nkuăl têh Đức Phổ), n’gor Quảng Ngãi; gŭ tâm ngih mrô 298, phố Vạn Phúc, Phường Liễu Giai, Quận Ba Đình, nkuăl ƀon têh Hà Nội.

Đồng chí râng cách mạng ntơm khay 2/1955; lăp Đảng Cộng sản Việt Nam lơ 19/12/1959; Uỷ viên Rnâng kan rđau kan Trung ương Đảng ăp gưl V, VI, VII, VIII; Groi Kruanh Hội đồng Bộ trưởng ntơm khay 2/1987 tât khay 8/1992; Groi Thủ tướng Chính phủ ntơm khay 9/1992 tât khay 8/1997; ntơm bah khay 9/1997 tât khay 6/2006 đồng chí ƀư Kruanh dak Cộng hoà xã hội chủ nghĩa Việt Nam; kruanh Hội đồng neh dak ndrel rnă njrăng, gưl X, XI; ntoh măt Quốc hội ăp gưl VII, VIII, X, XI.

Jêh âk năm ji jru, bol ma geh Đảng, Ngih dak, rmôt ăp giáo sư, nai dai si săm, rnăk vâl dŭt n’hâm mât chăm, yơn yor năm prêh,  ji jru, đồng chí hŏ roh n’hâm rnôk 10h 51 mnĭt măng, lơ 20//5/2025 (lah lơ 23/4 năm Ất Tỵ) tâm ngih păng tơm, rêh jŏ 88 năm.

Tâm rlu 50 năm pah kan cách mạng, đồng chí geh âk nau rgop têh đah nau kan cách mạng têh dăng bah Đảng ndrel bah rnoi mpôl. Đồng chí geh Đảng, Ngih dak pă Huân chương Sao vàng, Huy hiệu 65 năm Đảng ndrel âk Huân, huy chương, nau nkhôm, nau pă prêh khlay êng. Đồng chí roh lah du nau roh hoach têh đah Đảng, Ngih dak, ƀon lan nơm ndrel rnăk vâl Đồng chí.

Gay ntoh nuih n’hâm rngot klâng ndrel nkah tât đồng chí Trần Đức Lương, Rnâng kan rđau kan Trung ương Đảng Cộng sản Việt Nam, Quốc hội dak Cộng hoà xã hội chủ nghĩa Việt Nam, Kruanh dak Cộng hoà xã hội chủ nghĩa Việt Nam, Chính phủ dak Cộng hoà xã hội chủ nghĩa Việt Nam, Uỷ ban Trung ương Mặt trận Tổ quốc Việt Nam ntrŭnh ƀư njor ndrel lăp chang đồng chí geh ƀư tĭng nau kan ngih dak./.