VOV4.M’nông – Nău mbơh bah Mpôl mât uănh nău nchrăp ƀư ntuh kơl ndâk nkra ăp trong hăn n’gor Kon Tum an gĭt, tât aƀaơ nău nchrăp ƀư nkra, ƀư uĕh ăp gưl jŭr djơh ta Quốc lộ 24 gưl hăn rlău n’gor Kon Tum lĕ ntơm jêh. Kơt nĕ n’glêh nău nkra, ƀư uĕh gưl trong hăn tât lor tâm di nar 30/6, nar ma N’gâng kan ntung trong lĕ an nkra rgâl rơh 2 đah ngăch ƀư nău nchrăp aơ.

Lvang ƀư ndăn nău nchrăp ƀư nkra, ƀư uĕh ăp gưl jŭr djơh ta Quốc lộ 24 lvang hăn rlău nkuăl Kon Plông, n’gor Kon Tum.

Wa Đàm Phúc Tuyên, Kruanh Ban mât uănh nău nchrăp ƀư ntuh kơl ndâk nkra ăp trong hăn n’gor Kon Tum an gĭt, nău nchrăp ƀư geh dĭng lĕ 31 km, tâm nĕ 9km lvang nkual ƀon têh Kon Tum n’hanh nkuăl Kon Rẫy. Nău nchrăp ƀư gưl 2 mpeh tâm nău nchrăp ƀư nkra, ƀư uĕh ăp gưl jŭr djơh ta Quốc lộ 24 lvang hăn rlău n’gor Kon Tum geh dĭng lĕ rnoh prăk ntuh kơl rlău 847 rmen prăk ntơm ƀư nar 23/7/2020. Nău nchrăp ƀư geh jong 31 km yor N’gâng kan ntung trong n’gor Kon Tum ƀư tơm ntuh kơl.

Nuĭh rblang: Y Sưng Phê Ja