VOV4.M’nông: Tĭng nau đă bah N’gâng kan mât nau đă mpăn, N’gâng kan neh dak, rmôt kan Việt Nam ta Liên hợp quốc hŏ ƀư nau pă grat Thượng tá ân đồng chí Lương Trường Vinh ndrel grat Trung tá ân đồng chí Nguyễn Phúc Đông, dôl pah kan tâm N’gâng kan mât nau dăp mpăn, Liên hợp quốc. Ntoh nau tâm nar nkah, nŭih kan ntoh măt dak nơm Đặng Hoàng Giang tâm Liên hợp quốc rnê prêh nau nsôih ndrel ƀư jêh ăp nau kan geh jao bah ăp đồng chí geh pă grat năm 2022. Wa Đặng Hoàng Giang đă đah nau kan mhe, ăp đồng chí ân geh lŏ ƀư ueh nau dơi bah nơm tâm nau kan ndrel tâm nchră mbơh nau ueh ma Đảng, Ngih dak mpeh ăp nau kan tâm boh mât nau đăp mpăn đah Việt Nam ndrel Liên hợp quốc, ngăn lah joi nau kan gay ma n’hao nau râng bah rmôt mât nau đăp mpăn Việt Nam tâm ăp rmôt kan bah Liên hợp quốc./.

Nŭih rblang: H’Thi