VOV4.M’nông - Nar 11/7, Groi Kruanh n’gâng kan Tài nguyên n’hanh Môi trường Lê Công Thành lĕ hăn uănh nđôi trong kan, njrăng n’gang trôk nar lơh n’gor Kon Tum. Tĭng nău mbơh, bôk năm 2021 duh tĭng ntŭk ta lam n’gor lĕ ƀư khuch rlău 93 ha tơm tăm; mih dak lip ƀư 3 nuĭh khĭt, 136 jay geh khuch n’hanh rlău 700 ha tơm tăm geh khuch; âk ndơ dŏng ntung trong, dak bât geh djơh, khuch nklăp 126 rmen prăk.

Groi Kruanh n’gâng kan Lê Công Thành pah kan đah UBND n’gor Kon Tum.

Gay njrăng dêr n’hanh n’hŭch đêt, n’gor Kon Tum đă 27 nău nchrăp ƀư ntuh kơl tâm lvang 2021-2025 đah dĭng lĕ prăk bơi 90 rmen prăk gay an trơn, pă đăp mpăn nău rêh an rlău 2.500 rnăk đah nklăp 10.000 nuĭh. Ntoh ngơi ta nar pah kan, Groi Kruanh N’gâng kan Tài nguyên n’hanh Môi trường Lê Công Thành đă n’gor Kon Tum uănh tât nu nău trôk nar tâm ăp khay dŭt năm, năp gĭt blău saơ trôk nar an ăp nuĭh kơl rmoh rmanh; năp điện thoại vệ tinh an ăp nkual way geh nkhah êng...

Nuĭh rblang: Y Sưng Phê Ja