Bôk nău ƀư ta xă Ea Knuếc, nkual tăm sầu riêng âk bah n’gor Dak Lak. Nău ueh bah bôk nău ƀư wơt “Bu ur ueh sầu riêng” bah tơm têh sĭt nkual lễ hội. Nău ƀư dăn hơm răm bah ƀon lan nuĭh Êđê dơi rdâk ƀư tay, njuăl nău ŭch mir ba dơh ueh, sầu riêng săk play, dơi khlay, ƀon lan hơm răm.

Trôm nău ƀư “Ea Knuếc lăp yan” hôm geh hội chợ tăch ndơ, mpla nsơ OCOP, ndơ lŏ mir, ndơ ngêt sa, hăn uănh mir n’hanh Licestream mpla nsơ sầu riêng ta ăp ntŭk mrô. Tă bah nĕ, mông nar Lễ hội Sầu riêng Dak lak dơi rêng hvi tât nkual tăm, ndơ̆ nuĭh ƀon lan, năch n’hanh ntŭk tăch tât êp lơn đah nuĭh tăm. Xă Ea Knuếc aƀaơ lah ngoăy tâm âk nkual tăm sầu riêng têh ngăn n’gor Dak Lak đah bơi 6.000ha dôl play, ndơ geh rlău 70.000 tấn, dĭng lĕ khlay nklăp 4.000 rmen prăk.