Kêng măng 1/7, ta Hà Nội, Kruanh Quốc hội Trần Thanh mẫn râng nau nkah 80 năm nar vay ơm rmôt rnă njrăng đăp mpăn tâm nchră đah ba dih (12/7/1946-12/7/2026) ndrel ndơn Huân chương Hồ Chí Minh. Tâm nar nkah, Kruanh Quốc hội Trần Thanh Mẫn đă, bol ma tâm boh nau kan, rmôt rnă njrăng đăp mpăn ân lah rmôt tơm khlay ngăn ma Đảng, neh dak ndrel ƀon lan, ân mât nâp nau kan đăp mpăn nau rđau kan nâp, sŏng, ăp ntil mpeh ăp ding bah Đảng, ngăn lah Đảng uỷ Công an Trung ương ndrel rđau kan N’gâng kan Công an, tâm rgop rjăp đah ăp ntŭk kan geh tât.

Kruanh Quốc hội nkah nau ndâk njêng rmôt Công an ƀon lan lah nsum ndrel rmôt mât đăp mpăn rnă njrăng đah ba dih lah êng, ƀư nâp, ƀư blau, ƀư mhe. Trong kan rtŭt gleh, nau kan ân săk tam, tŏng dơi ueh nau đă nau kan tâm ntŭk kan lam ntur neh ndrel ntrơn rgâl mrô rjăp dăng rnôk aơ. Ntoh măt rđau kan Đảng, Ngih dak, Kruanh Quốc hội Trần Thanh Mẫn lĕ pă Huân chương Hồ Chí Minh ân rmôt mât đăp mpăn rnă njrăng hŏ geh nau dơi tâm nau rgop ân nau kan cách mạng bah Đảng, bah rnoi mpôl./.