Ntơh măt kruanh rđău kan Đảng, Ngih dak ntăm an Huân chương Mât njrăng neh dak hạng Nhất an mpôl Tahen Pháo binh - Tên lửa, Tổng Bí thư, Kruanh dak Tô Lâm mbah rhơn ăp nău dơi mha êng đăng hăr bah Tahen Pháo binh - Tên lửa.

Tổng Bí thư, Kruanh dak Tô Lâm dăn đă, let năp tay, lam mpôl tahen Pháo binh - Tên lửa rgum tĭng ƀư an dŭt uĕh 5 rmôt nău dơn kan, tâm nê rgum rdâk njêng mpôl tahen nâp dăng mpeh chính trị, nău mĭn n’hanh leo ƀư; du nuih n’hâm tĭng đah Đảng, Neh dak n’hanh ƀon lan; ân tĭng ƀư jăp “2 sŏng di, 2 ntrôl dăng, 2 nking nchiăng” n’hanh trong rƀŏng “5 nâp”; rdâk njêng chính trị nâp, tĭng jăp nâp dăng, công nghệ nâp, miăt blău tahen nâp dăng, nău rêh tahen nâp. Rdâk njêng Đảng bộ Bộ Tư lệnh Pháo binh - Tên lửa kloh uĕh, nâp dăng ntoh lư; nhih pah kan, đơn vị nâp dăng lam lĕ rngôch “ntĭt leo lor di, ntoh lư”; tâm rnglăp dơn ngoăy, tĭng jăp nău kan, wat jêh uĕh ăp nău dơn kan.