Ta rƀŭn nchră, âk nău rgop an lah ntŭk kol têh ngăn aƀaơ mô geh ta nău ntrŭnh ma ta rmôt kan ƀư tĭng. Du đêt samƀŭt hành chính hôm e ƀư roh mông nar an nuĭh ƀon lan n’hanh doanh nghiệp; dữ liệu đah ăp ngih pah kan mô hao âk gưl săk rnglăy; nău joi ƀư tĭng ăp mrô hôm e đêt; tâm rnôk uĕh blău rhŏ an n’hanh nuih n’hâm lĕ đah nău kan bah du đêt cán bộ, công chức mô hŏ tâm di nău ŭch tâm lvang mhe.

Wa Hồ Thị Nguyên Thảo, Groi Kruanh Rnâng kan UBND n’gor Dak Lak đă ăp ngih pah kan, ntŭk kan, ƀon lan n’hao lĕ đah nău kan nuĭh djôt bôk tâm ƀư tĭng nkra rgâl hành chính; ntrôl dăng kơp uănh, koh n’hŭch, dơh an ƀư samƀŭt hành chính; n’hao boăt nthoi, tâm pă samƀŭt samtra đah trong mbơh nu nău đah ntŭk samƀŭt samtra ngih dak; dăp tay, tâm pă rmôt cán bộ tâm di đah ntŭk pah kan n’hanh nău đă kan.