Ta n'har bri Dak Lak, năm nti aơ geh du nău ntoh lư khlay: ăp nhih nti nội trú 2 gưl dơi ntuh kơl rdâk njêng dôl tĭng kơn ndơ̆ an dŏng, nta trong dơh kơt nti, gŭ âm uĕh lơn an kon se nti nkual n'har bri. Pe nhih nti nội trú 2 gưl ta ăp xã Ia R'vê, Ia Lốp n'hanh Buôn Đôn dơi mbơh ƀư đah nău ŭch wơt rlău 3.000 kon se nti tâm năm nti 2026-2027. Aơ lah ăp ndơ ƀư dơi ntuh kơl tâm ban, mô dơn geh jrô nti ma hôm geh nkual nội trú, thư viện, jay âk ntil nău dŏng n'hanh ăp ndơ rhŏ dŏng an nău rêh bah kon se nti.

      Êng Ngih samƀŭt Nội trú 2 gưl Ia R'vê geh lĕ rngôch rnoh ntuh kơl 185 rmen prăk. Gay ngăch ndơ̆ ngih samƀŭt lăp dŏng, hang rhiăng cán bộ, tahen n'hanh mpôl kan nuĭh kan lĕ râng ƀư, pah kan ndăn ngăch ta ntŭk ƀư. . Mpeh khâl ngih samƀŭt ta rơh năm nti mhe, Thượng tướng Phùng Sĩ Tấn, Groi Tổng Tham mưu trưởng Tahen ƀon lan Việt Nam an gĭt, ngih samƀŭt lah nău ntĭt uĕh bah nău tâm rŏng tahen ƀon lan: "Quân uỷ Trung ương, N'gâng kan neh dak, Tahen rnơm lah rnôk geh ngih săm ƀŭt mra tŏng dơi nau ŭch tơm nŭih kan blău ntĭm nti cán bộ nuĭh rnoi mpôl đê̆. Bah nê mra njêng tơm nuĭh kan, njêng nau nsôih gay phung he ƀư ueh nău kan hun hao văng sa rêh jêng, ndâk njêng neh dak, ngăn lah ntŭk hôm âk nău jêr kơt Ea Rốk".

 Ăp rnoh mrô nĕ, lah knŭng uănh ta săm ƀŭt, mbra knŭng lah tơm prăk ntuh kơl mô lah rnoh âk kon hŏk. Yơn bah kơi nĕ lah nău nkoch bah ăp kon se nkual n'har bri. Đah âk oh, dơi nti tâm du ngih sam ƀŭt têh uĕh, geh ntŭk gŭ sa ta ngih sam ƀŭt tâm ban đah nău trong hăn tât ngih sam ƀŭt hŭch đêt lơn, nău nti đăp mpăn lơn n'hanh nău dơi tât đah ntĭm nti pơk hvi lơn.

N'hanh lah ta n'har bri, ăp ngih sam ƀŭt mhe dôl pơk tay trong dơh an kon se, ri ta Trường Sa, ăp jrô nti hôm nha geh du nău khlăy êng đŏng. Ta nklang dak lêng, nai n'hanh kon hŏk hôm nha vơt năm nti mhe tâm nău nteh gâr pơk nti. Ăp jrô nti ta gôl dak ngai mô dơn lah ntŭk mbơh nti nău gĭt blău, ma hôm nha lah ăp ntŭk ang mpơl nău rêh bâh ntŭk rêh jêng ƀon lan Việt Nam ta n'har bri neh dak.

Ntơm bah Tây Nguyên tât Trường Sa, ntŭk gŭ ngai ngai dơi ma hang rhiăng, hang rbăn km. Ntŭk ntô ntĭm nti tâm ban đŏng. Yơn tâm nar ntơm lăp nti, lĕ rngôch ndrel du nău: ăp kon se, bôl ta n'har bri mô lah gôl dak, an dơi nta trong dơh nti nsơm n'hanh hun hao.

N'hanh yor kơt nê̆, nău nteh gâr pơk năm nti năm aơ mô knŭng mbơh du năm nti mhe. Nê hôm lah nău nteh gâr bah ăp ngih sam ƀŭt mhe ta n'har bri; bah ăp jrô nti ta nklang dak lêng; bah nău ntuh kơl an kon nuĭh n'hanh nĕ lah nău ndâk njêng nău rêh let năp tay ta ăp ntŭk dŭt khlay bah neh dak.

Ntơm bah ƀon lan Tây Nguyên tât gôl dak Trường Sa, ăp ndrôm sam ƀŭt mhe dơi pơk luh. Ndrel đah nê lah ăp nău ŭch rŏng mhe bah du rơh druh ndăm dôl têh jêng ta ntŭk n'har bri bah neh dak.