VOV4.M’nông: Rƀŏng tât nkah 61 năm nau tât khuch bah dak si khih Dioxin ta Việt Nam (10/8/1961-10/8/2022) 75 năm nar tahen khĭt, tahen sôt rmanh 27/7 ndrel kơt tĭng nar kơl an ăp nŭih geh ntưp dak si Việt Nam 10/8, ôi 20/7, ta Bảo tàng n’gor Kon Tum geh nar ƀư nau mpla n’hơ “Khih Dioxin-nau mĭn ndrel nau tâm ban”. Geh ntơm lơ 20/7 tât lôch 25/8, rơh mpla n’hơ “Khih Dioxin-nau mĭn ndrel nau tâm ban”  mbơh bơi tât 400 păng rup, tài liệu, ndơ ăp ntil nkô̆, kơt: Nau khuch bah dak si khih Dioxin ndrel nau ji bah Dioxin; Việt Nam rklaih nau khuch bah tâm lơh hoá học;

Nau kan bah rmôt kơl an ân ăp nŭih ntưp dak si khih Dioxin Việt Nam ndrel ntrong hăn joi nau ân geh tâm ban ân ăp nŭih ntưp dak si khih Dioxin...Bah ăp nau kan, rup,  tài liệu, ndơ mbơh tât nar pla, nŭih ƀon lan, bu năch ndrel băl bên bah lam ntur neh gĭt kloh lơh mpeh nau khuch bah dak si khih hoá học/Dioxin đah ntŭk gŭ, n’hâm soan kon nŭih, mpeh ăp nau nsôih bah Đảng, Ngih dak, tahen, bah rmôt nŭih kơl an nŭih ntưp dak si khih Dioxin Việt Nam, bah n’gor Kon Tum...

Tâm nau rklaih dak si khih háo học Dioxin jêh lôch tâm lơh, ndrel mât chăm, kơl an ăp nŭih ntưp, tâm rnglăp lơh rdâng ndrak nsiu nkhĭt rui kon nŭih, kơl an nau kan tâm lơh gay ma leo nsĭt nau ueh ân ăp nŭih ntưp dak si khih dioxin Việt Nam./.

Nŭih rblang: H’Thi