Rơh tâm nchră dơn geh 55 nău tâm  nchră bâh ăp nuĭh way kan, nuĭh kan khoa học n’hanh nuĭh kan mât uănh, Học viện Chính trị ngih dak Hồ Chí Minh, ăp ntŭk kan mĭn uănh, ăp ngih nti chính trị, ndrel đah ăp ntŭk kan chính trị- rêh jêng bâh n’gor Gia Lai n’hanh ăp ntŭk ta Tây Nguyên. Ăp nău tâm nchră lĕ lah na nê̆ nău kan khlăy bâh nuĭh geh nău knơm ta ntŭk rêh jêng, bâh nău mbơh tơih, rgŏ jă ƀon lan tât râng hun hao wăng sa- rêh jêng, rdâk njêng nkual ƀon lan mhe, ndâk nsơm trong kan chính trị ta ntŭk kan ba dâng, mât nău tâm rnglăp mpôl rnoi, mât đăp mpăn rnă njrăng, mât rnă njrăng lam ntŭk rêh jêng ta ntŭk. Âk đại biểu an lah, gay ma nuĭh geh nău knơm geh n’hao tay nău kan, an geh nta nău dơh nơih gay ma nuĭh geh nău knơm tât râng ta ăp nău pah kan chính trị- rêh jêng ta ntŭk, ntĭm nti, mbơh tơih gay ma n’hao nău dơi kan, ngăn lah nău dơi uănh năl, mbơh tơih mpeh nău rêh jêng n’hanh rgŏ jă ƀon lan ta ntŭk kan ba dâng.