VOV4.M'nông: Nthoi tay bôk nău kan rơh hop tâl 14, ôi 11/8 ta nâm nău ƀư tơm bah Kruanh Quốc hội Vương Đình Huệ, 100% nuĭh lăp kan nsum tâm Ủy ban Thường vụ Quốc hội geh măt hŏ tâm ban ŭch uănh an dŏng 2 Nghị quyết mpeh: Njêng thị trấn Bình Phú, nkuâl Cai Lậy, n'gor Tiền Giang; njêng thị xã Chơn Thành n'hanh njêng ăp phường mpeh thị xã Chơn Thành, n'gor Bình Phước. Tâm ban ŭch uănh an dŏng 2 Nghị quyết, yơn Ủy ban Thường vụ Quốc hội dăn đă, đah thị xã Chơn Thành ân mbơh kloh leo mât bôk kan bah lam trong kan chính trị ta ntŭk tŏng đah nău ŭch geh mât bôk kan tĭng Nghị quyết. Tâm rnôk tĭng ƀư Nghị quyết 06 bah Bộ Chính trị mpeh dăp rgum rdâk njêng n'hanh hun hao nâp dăng nkual  ƀon têh Việt Nam tât năm 2030, uănh ngai tât năm 2045, Ủy ban Thường vụ Quốc hội dăn đă Chính phủ ôp uănh tay ăp tŏng lam lĕ rngôch ăp nkuâl lam dak, nkuâl i mô hŏ geh thị trấn, ri ân nchih săk, geh trong nchrăp uănh khlay ntuh kơl n'hanh ntop kơl ƀư lôch jêh ăp si ƀŭt hao mbơh dăn Ủy ban Thường vụ Quốc hội đăp mpăn ơm tât nău dơi 100% ăp nkuâl lam dak geh thị trấn./.

Nuĭh rblang: Điểu Thân