Hun hao 9 khay bah Dak Lak geh tât 8,22%, đêt rlău trong tor luh; gay tât rnoh hun hao ntơm bah 10% let lơ tâm năm aơ, quý IV n’gor ân hun hao rlău 13%. Dak Lak dôl rgum droh rklaih ăp kô̆ yơn mpeh ntuh kơl, neh ntu, đă ntrơn du, nkre ntrŭt ntrôl ăp tơm ndơ hŏ wăch rgum ơm lăp tâm nău kan ƀư njêng, tăch rgâl. 

9 khay năm 2026, n’gor Dak Lak hŏ rgum droh rklaih ăp kô̆ yơn mpeh trong tĭng, neh ntu, đă ntrơn du n’hanh ntuh kơl tĭng nău way “6 kloh”. Hun hao 9 khay bah n’gor geh tât 8,22%; nsĭt geh tăch n’gluh tât rlău 2,3 rmen USD; pâl nđaih đăt ndal wơt nklăp 8,34 rkeh tơ̆ năch. Gay dơi tât rnoh hun hao 2 mbrô, quý IV Dak Lak ân nsrôih hun hao geh tât rlău 13%. Wa Đỗ Hữu Huy, Kruanh UBND n’gor Dak Lak an gĭt, tâm 3 khay kêng dŭt năm , n’gor ân sŏk geh prăk ngân sách 7.254 rmen prăk n’hanh n’gluh 8.702 rmen prăk ntuh kơl. Nkre, quý IV ân ntrôl dăng trong mât bôk kan, mô dơn rgum ƀư wat jêh ăp rnoh tât ma ân njêng luh ndơ geh ƀư n’hanh rnoh khlay ngăn ngăn.