Kêng măng 23/10, ta ntŭk kan Chính phủ, Bí thư Trung ương Đảng, Groi Thủ tướng Chính phủ Lê Minh Khái ƀư tơm nar rƀŭn đah du đê̆ N’gâng kan Trung ương nchră tât nau kan kơl an ndal nau khuch bah mih trôk nar, rluh neh tâm ăp n’gor miền Trung, Tây Nguyên, gôl yôk mpeh ba lơ. Mbơh nau bah Rnâng kan rđau kan neh dak mpeh nau njrăng rdâng trôk nar lơh mbơh, ntơm bôk năm 2023 tât rnôk aơ, mih dak lip khuch tâm âk nkuăl, ƀư khuch ngăn tât drăp ndơ ndrel kon nŭih, khuch ngăn tât nau kan tuch tăm, rgum ngăn tâm nau kan ƀư khuch lah mih têh, dak lip, rluh neh, rluh meng dak me, dak lêng.

Lôch nar rƀŭn, Groi Thủ tướng Lê Minh Khái lah rjăp, Chính phủ, Thủ tướng Chính phủ dŭt n’hâm kơl an, ndrel ăp n’gor rklaih nau khuch gay đăp mpăn nau rêh ƀon lan. Mbơh kloh nau rklaih khuch ân geh “rklaih ngăch”, Groi Thủ tướng Lê Minh Khái đă, ăp n’gâng kan tâm nchră, rgop nau ân tâm ban mbơh Thủ tướng Chính phủ uănh, ntrŭnh, rklaih năn, săk tam, tâm di nkô̆, nau ntrŭnh bah pháp luật./.