Ntoh ngơi ntĭm rđău ta tâm nchră, Tổng Bí thư, Kruanh dak Tô Lâm lah kloh, lĕ 6 siƀŭt ntrŭnh nău kan  mbơh kloh na nê̆ trong nchrăp, rnoh tât; nău n'glêh an lah ƀư tĭng n'hanh nău dơn kan nuĭh mât bôk kan. Ăp siƀŭt ntrŭnh nău kan ân jêng nău kan ngăn ngăn, geh nuĭh dơn kan, dơi uănh năl di đah nău geh; n'glĕ dŭt ân ƀư neh dak dăng lơn, Nuĭh ƀon lan rêh uĕh lơn, nău nsing nơm nâp dăng lơn. Tổng Bí thư, Kruanh dak lah kloh, lĕ 6 siƀŭt ntrŭnh nău kan ndrel rƀŏng tât n'hao nău dơi rđău kan, mât bôk kan, suan rlăch ndăng bah Đảng; rdâk njêng rmôt cán bộ leo lor, ntrong leo, nănh dơn nău kan; mât bôk kan sŏng dăng; dăp rgum tay ntŭk ntô hun hao; ndơ̆ pâl nđaih jêng nău kan tơm an jâng nsan ntrôl hun hao, mât uĕh ăp tơm ndơ rnoi nuĭh. Tổng Bí thư, Kruanh dak đă, jêh rnôk rƀŭn nchră, ăp gưl uỷ, ntŭk kan, nkuăl, nuĭh leo kan bôk năp ân geh uănh năl nau kan tơm; jao tâm di nuĭh, tŏng nau dơi, tơm ndơ; kloh nau kan, nau ngăch, nau dơn kan.