Rnê âk nău nchrăp âk mpưm, răp jăp bah Ban Tuyên giáo n’hanh Dân vận Trung ương rnôk rdâk njêng trong nchrăp Đề án lam lĕ rngôch, geh âk ntŭk mhe mpeh nău mĭn, trong tât n’hanh trong nkra, Tổng Bí thư, Kruanh dak Tô Lâm lah kloh, nău rdâk njêng Trong nchrăp nsŏng trong mĭn têh jong bah Đảng tâm rnôk rgâl mbrô lah nău ŭch geh di, ndăn ngăch n’hanh geh nkô̆ khlay jŏ jong.

Tổng Bí thư, Kruanh dak lah rjăp, Đề án ân ntrŏng trong rƀŏng rloh rlău lah: “Lor nchrăp- sôt hơr – Di nuih n’hâm- nsĭt geh nău dơi tam”. Nsing ta nê, Tổng Bí thư, Kruanh dak đă, Đề án ân đăm jru 4 nău mĭn rđău đă têh, tâm nê ân rôih sŏng tĭng jâng nsing nău mĭn bah Đảng, nkre rgâl mhe dăng trong rƀŏng pah kan nău mĭn. Rôih sŏng gay mô an rlât teng trong rƀŏng; rgâl mhe gay mô an plơ̆ rŭch bah kơi. Pah kan nău mĭn lơn ma têh blău mhe mpeh trong ƀư, lơn ma nâp dăng mpeh chính trị, nău mĭn, nău way n’hanh rnoh tât kan. Păng nkah 8 rmôt nău dơn kan rgum tơm gay wat jêh Đề án. Mpeh jŏng jong, Tổng Bí thư, Kruanh dak Tô Lâm dăn đă, rgâl mhe pah kan ntĭm nti lý luận chính trị, kơt nti nghị quyết tĭng trong rƀŏng ngăn ngăn đŏng. Glo tơm lah ƀư an nău nti lý luận, nti nghị quyết ngăn ngăn lơn, nkre đah nău kan lơn; nti gay wât jru, kơt dŏng di, dâk kan dơn ngoăy, ƀư tât dŭt./.