VOV4.M’nông: Lơ 20/7, Rmôt hăn kan mêt uănh bah Quốc hội yor Thượng tướng Trần Quang Phương, Groi Kruanh Quốc hội ƀư tơm rmôt hŏ pah kan đah UBND n’gor Thanh Hoá mpeh nau ƀư têm nkrem, rdâng mpŭng lir lvang năm 2016-2021. Tâm nar pah kan, rđau kan UBND n’gor Thanh Hoá hŏ mbơh đah rmôt hăn kan nau ƀư nau kơl, pháp luật mpeh nau têm nkrem, njrăng mpŭng lir tâm nau mât, dŏng tơm kan lvang năm 2021-2026. Ntoh nau tâm nar pah kan, Thượng tướng Trần Quang Phương, Groi Kruanh Quốc hội đă UBND n’gor Thanh Hoá djăt nau rgop bah ăp nŭih tâm rmôt hăn mêt uănh, rgum rđau gay ma rklaih nau khuch, njêng nau mhe tâm nau kan mêt uănh. N’hao nau rđau nau kan, ƀư tâm ăp nau kan têm nkrem, rdâng mpŭng lir, ma nau tơm lah nau rgâl ân rjăp ntŭk ƀư kan ntuh kơl tăch rgâl, gay ma rgum tu tơm nâp ân ntuh kơl hun hao./.

Nŭih rblang: H’Thi