Dĭng nar 15/6, wa Lương Nguyễn Minh Triết, Bí thư n’gor uỷ Dak Lak ƀư tơm nar pah kan đah rmôt T&T mpeh nau rƀŏng mĭn njêng ntuh kơl đah ăp nau kan đô thị ndrel nau ŭnh nar ndâk tay tâm n’gor. Rmôt kan T&T mbơh, dôl mĭn njêng ntuh kơl ân mpeh ba dâng Buôn Ma Thuột rnoh nklăp 680 ha, rnoh prăk ntuh kơl rlau 44.400 rmen ndrel nkuăl đô thị mpeh ba dâng trong Quốc lộ 1, Phường Tuy Hoà, phường Bình Kiến đah rnoh tơm prăk ntuh kơl rlau 20.100 rmen. Ntŭk ƀư nau kan tăch rgâl ntoh nau ŭch hun hao ăp nau kan điện sial, điệm măt nar tâm Dak Lak tâm rơh tât. Ntoh măt rmôt kan T&T rnê prêh Dak Lak geh âk nau dăng dơi mpeh tuch tăm, ŭnh nar ndâk mhe, tăch rgâl ndrel pâl n’aih,.

Nkre ton mra mĭn rvê ân rjăp ăp nau đă ntuh kơl, đăp mpăn ân săk tam ndrel tâm di đah ăp nau rƀŏng hun hao bah nkuăl. Rnê prêh nau kơl an bah rmôt kan, wa Luơng Nguyễn Minh Triết, Bí thư n’gor uỷ Dak Lak mbơh lah, nau kan ntŭk kan nchrăp uănh, đă ăp nau kan têh lah nau ueh ngăn đah nkô̆ nau rgum ntuh kơl bah n’gor.  Wa kŏ đă ăp ntŭk kan n’gâng kan lŏ hăn ndrel, ntrŭt dăng nau rklaih ăp nau kan đah ăp bôk nau kan tâm rnoh geh kơl an lor gay ơm ƀư ân tâm di ăp nau mpŏng ntuh kơl./.