Lơ 25/3, Rnâng kan HĐND n’gor lĕ ƀư tâm mâp, tâm ngơi đah đại biểu HĐND n’hanh kon se năm 2025 đah bôk nău “Nta an ntŭk ntô đăp mpăn an kon se Gia Lai tât ngih sam ƀŭt”. Nău ƀư wăch rgum 200 oh kon se ntoh lư ntoh măt an rlău 467 rbăn kon se bah 17 nkuăl, nkual têh, nkual ƀon têh tâm n’gor. Ta bôk nău tâm ngơi, âk kon hŏk lĕ nkoch nău rgop mpeh ăp nău tâm lơh ta ngih sam ƀŭt, đăp mpăn ta mạng n’hanh geh bah nău nkra njêng êng pháo.

Ăp oh klach ta năp nău geh rlăm, n’grŭn mpet trực tuyến kơt ăp nău ƀư mô uĕh bah nău dŏng pháo rtoh. Rlău ma nĕ, ăp jêr jŏk nti nsơm, mô geh ntŭk pâl n’hanh nău ŭch dơi mbơh ntĭm nău mĭn tâm ngih sam ƀŭt lah ăp nkô̆ nău dơi kon hŏk uănh tât. Ăp nău kon hŏk Gia Lai nkoch ta nar tâm ngơi, lĕ dơi ăp n’gâng kan-nău kan ta n’gor  djăt n’hanh ơh na nê̆. Wa Rah Lan Chung-Kruanh UBND n’gor Gia Lai mĭn lah, mbra nta an tâm di, đă ăp gưl, nău kan, geh trong mkra na nê̆ tâm di nău ŭch bah kon hŏk.