Lôch geh djăt nău mbơh tơih n’hanh nău tâm rgop bâh ăp ntŭk leo kan rlong ƀư, mpôl pah kan lĕ mbơh rblang, ntĭm đă doh rklaih ăp nău jêr, kŏ văk  tâm ntrong kan mbơh tơih. Uănh năl mpeh nău geh ƀư tĭng ntrong kan nglôch lôch 107 bâh n’gor Đăk Lăk, wa Hà Minh Hải, Groi kruanh rnâng kan leo kan Trung ương, kơp dơn nău nsrôih bâh ta ntŭk, ngăn lah ăp ntŭk kan, n’gâng kan geh săch rlong ƀư. Gay ma nău mbơh tơih nglôch lôch 107 tâm let năp tay geh nău dơi ngăn têh lơn tĭng nău dăn đă bâh Trung ương. Groi kruanh rnâng kan leo kan Trung ương  đă an geh ƀư tĭng di nău ngăch n’hanh mât đăp mpăn ueh di geh nău dơi mât rnoh mbrô n’hanh nău ueh mbơh tơih. Lĕ rngôch ăp nău mbơh tơih bôk năp  rdâk njêng rnoh mbrô, gay ma bâh nĕ mbra dơi geh rdâk njêng nău nchrăp kan lĕ rngôch tâm nău mbơh tơih nglâ̆ dŭt.