Ntoh ngơi ta rơh tâm mâp, Tổng Bí thư, Kruanh dak Tô Lâm lah na nê̆ aơ lah rơh gay ma uănh tay ăp nău lĕ dơi geh n’hanh tâm mbơh mpeh ăp nău mpong kan, nkô̆ nău kan tâm rgop gĭt vât, tă blău kan, rnoh nuĭh kan đah Việt Nam n’hanh âk nuĭh  way kan Việt Nam ta Nhật Bản. Nău tâm boh kan ndrel tơm lĕ rngôch Việt Nam- Nhật Bản dôl ta rơh hun hao ueh mhe, nău ngăn n’hanh săk rnglăy, tâm nĕ khoa học, công nghệ, rgâl mhe nău mĭn kan jêng ngoăy tâm âk jrŏng kan tơm khlăy mpeh tâm kơl kan bâh 2 dak. Tổng Bí thư, Kruanh dak Tô Lâm lah na nê̆ nău ŭch geh tay âk rơh djăt nău nkoch n’hanh ăp nău tă gĭt blău mĭn uănh, dŏng khoa học bâh ăp nuĭh kan khoa học, dăn đă ăp nuĭh way kan, nuĭh kan khoa học an geh mĭn uănh tay, tâm rgop ngăn ngên an nău hun hao bâh neh dak, tâm ban kơt tâm rgop ueh nsrôih an nău tâm boh tâm rnglăp ueh đah Việt Nam n’hanh Nhật Bản.