Na nê̆, ta ôi aơ, Ủy ban rnâng kan Quốc hội tâm nchră mpeh nău nchrăp Nghị quyết bâh Quốc hội rlong ƀư nău kan mât uănh ntil ndơ an saơ, drăp ndơ tâm rnôk uănh nđôi, rmal dôih, rmal ăp nău tih, nău tih hình sự, uănh n’hêl nău kan mât nuĭh kan, an tâm rgop mpeh nău nchrăp rơh rƀŭn nchră tal 8, Quốc hội khóa 15. Kêng măng, Ủy ban rnâng kan Quốc hội an tâm rgop mpeh nău nchrăp Luật rnoh mbrô n’hanh nchrăp kan ta rơh tâm nchră mpeh du đê̆ nkô̆ nău êng. Kruanh Quốc hội Trần Thanh Mẫn lah na nê̆ rơh rƀŭn nchră tal 8 nchrăp rnoh nău kan ndơ̆ mbơh an Quốc hội uănh n’hêl, tâm nĕ geh 29 nkô̆ nău mpeh nău kan lập pháp, 10 rmôt nkô̆ nău mpeh wăng sa- rêh jêng, tơm prăk ngih dak, uănh nđôi, nuĭh kan n’hanh nău ntrŭnh ăp nău khlăy êng ta rnoh nău dơi.