Rơh rƀŭn tal 4 bah Ủy ban Thường vụ Quốc hội mbra ƀư tâm 6 nar, pă ƀư 2 rơh. Rơh ngoăy ƀư tâm 1,5 nar, bah nar năng aơ 8/7 tât 9/7/2026; rơh 2 ƀư tâm 4,5 nar, bah lơ 14 tât 17/7/2026 n’hanh lơ 28/7/2026.

Ta Rơh rƀŭn aơ, Ủy ban Thường vụ Quốc hội mbra uănh mĭn tay, an rgop nău mpeh: nău nchrăp ƀư Luật nkra rgâl, ntop tay du đêt nău bah Luật Kiến trúc; nău nchrăp ƀư Luật Dầu khí (nkra rgâl); nău nchrăp ƀư mpeh luật neh ntu; nău nchrăp Nghị quyết bah Quốc hội mpeh trong ƀư, nău kơl êng mpeh mkra nău tih pháp luật geh tât wăng sa ngih dak, wăng sa ƀư êng n’hanh kơt dŏng khoa học, công nghệ, rgâl mĭn ƀư mhe, rgâl mrô; nău nchrăp ƀư luật nkra rgâl, ntop tay du đêt điều bah Luật Ngân hàng Ngih dak Việt Nam, Luật njrăng n’gang ƀư prăk tih n’hanh Luật ăp rmôt kan an manh prăk, ndrel âk nău nchrăp ƀư, nghị quyết khlay êng. Mpeh ntrŭnh ăp nău khlay, Ủy ban Thường vụ Quốc hội mbra an rgop mpeh nău ntrŭnh ntuh kơl Nău nchrăp ƀư ntuh kơl rdâk njêng trong pĭt 5-Nkual Thủ đô Hà Nội; nău nkra rgâl nău ntrŭnh ntuh kơl Nău nchrăp ƀư ntuh kơl ndâk ƀư trong ndeh treng Lào Cai-Hà Nội-Hải Phòng; Bôk nău rgop an tâm nchră ndâk njêng nkual ƀon têh Quảng Ninh mpeh tâm Trung ương.