Tâm nchră ƀư nkre ma trong pơk sŏng dăng tât ăp bôk ƀoh bah trung ương tât gưl nkuâl, gưl xã. Tâm nchră gay đăm gĭt jru ăp nkô̆ n’gâng tơm, ntŭk mhe, rgum tơm bah siƀŭt nchrăp lor dăn đă ta rnôk tâm nchră Trung ương Đảng mhe ƀư ntơm bah nar 10/4 tât nar 12/4. Ăp đại biểu dơi đăm gĭt 3 nkô̆ way. Bôk nău lah mpeh trong nchrăp ăp siƀŭt hao rblang dăn Đại hội 14 bah Đảng. way nkô̆ 2 mpeh rgâl nkra Hiến pháp n’hanh pháp luật; Trong rƀŏng bầu cử Đại biểu Quốc hội khóa 16 n’hanh đại biểu Hội đồng nhân dân ăp gưl năm kan 2026 - 2031. Way nkô̆ 3 mpeh dăp rgum tay nuĭh kan glêh, tam, yach ngăch, đăng hăr, nsĭt geh nău dơi; rgâl nkra kơi ntop ăp quy định bah Đảng geh tât nău dăp rgum glêh tam nuĭh kan.