Lah rđău đă tâm nchră, Tổng Bí thư, Kruanh dak Tô Lâm nchih nkah nău dơi têh bah Quân uỷ Trung ương, gưl uỷ, chỉ huy ăp gưl n’hanh cán bộ, tahen tĭng ƀư nău kan tâm bah ri aơ; nkre dăn đă, let năp tay gưl ủy, chỉ huy ăp gưl đăm gĭt jru mpeh nău mĭn rđău đă “Mât njrăng neh dak bah ơm, bah ngai ntơm bah nău năl ơm, nchroh ngai n’hanh dâk kan lor”.

Păng rđău đă nhih pah kan dơi kan bah Quân uỷ Trung ương, Bộ quốc phòng rgum n’hao săk tam gŭ mĭn, nchroh nsŏng kơl trong têh jong; lor năl ăp geh ma nău tât way ơm n’hanh rnă njrăng mô way ơm, geh ma nău tât kalơ trôk. N’hao săk tam tay tiăr nti, nchrăp rdâng lơh, mât lhăt nkual trôk, nkual dak lêng, nkual n’har bri, neh kơh, ntŭk trôm mạng; mât njrăng nâp dăng ngăn đăp mpăn, ƀư tơm, dơn ngoăy, lam lĕ rngôch neh dak n’hanh nău geh neh dak đăp mpăn êng.