Kêng măng 15/6, ta Ngih kan Quốc hội, Kruanh Quốc hội Trần Thanh Mẫn ƀư tơm nar pah kan đah rđau kan N’gâng kan nchră nau; Rnâng kan Uỷ ban neh dak, rnă njrăng ndrel tâm nchră đah dak ba dih; Jrâu kan Quốc hội mpeh nau ntrŭnh kan tâm rgop kơl an nau kan bah nau tâm nchră kan bah Quốc hội, bah rđau kan Quốc hội. Mbơh leo du đê̆ nau kan mpeh nau nau tă geh dơi tâm nau ƀư nau kan, gay ndơn năl kloh ăp nau nkol, nau jêr tâm rnôk ƀư nau kan tâm rgop, Kruanh Quốc hội pơk luh 3 nau kan têh khlay gay ăp ntŭk kan geh tât ndrel nau đă. Wa đă ân geh ntơn tâm nau mĭn “tâm nchră kơl an nau tâm boh” jêng “tâm nchră gay njêng hun hao”.

Ăp nau kan tâm nchră ân geh njêng ăp nau dơi khlay n’hao lơn ân hun hao bah neh dak. Ăp ntŭk kan geh tât rgum ƀư ueh 5 nau rƀŏng, nê lah: ndơn năl kloh mpeh nau dơi bah nau kan tâm nchră ma bah dih bah Quốc hội tâm nau rgum ân nau kan tâm nchră ăp ntil, ueh mhe bah neh dak. Kruanh Quốc hội đă ân geh tâm rgop rjăp đah ăp nau tâm nchră rƀŭn ân neh dak, n’hao nau dăng kan tâm dak nơm. Kŏ tâm nar pah kan, rđau kan n’gâng kan nchră nau, Uỷ ban neh dak, rnă njrăng ndrel tâm nchră đah dak ba dih; jrâu kan Quốc hội hŏ ký nau nchrăp ƀư nau kan tâm rgop ƀư./.