N’glôch jêh tâm nchră, Tổng Bí thư, Kruanh dak Tô Lâm lah rjăp tâm rnôk tâm rlong công nghệ lam ntŭr neh dôl duh hô, nău an ƀư Nghị quyết 57 mô dơn lah nău jêr nkra bah geh ma nău plơ̆ rŭch ma hôm geh nău khlay rêh nha đah nău nsrôih êng let năp tay n’hanh rnă njrăng neh dak.

Mpeh rgâl mbrô gưl neh dak, Tổng Bí thư, Kruanh dak Tô Lâm lah rjăp nău khlay rgum tơm let năp tay lah ân ntrôl dăng rgâl mbrô tâm doanh nghiệp n’hanh lam rêh  jêng kon nuĭh. Nchrăp tơm ndơ an let năp tay, Tổng Bí thư, Kruanh dak Tô Lâm đă tâm năm nti 2026 dja, n’gâng kan ntĭm nti ân geh ăp njuat hăn rgâl dăng tâm nău rƀŏng trong, ntĭm nti ăp n’gâng kan khoa học tơm, công nghệ glo tơm, sui găr an rơh kơn sinh viên lăp tâm đại học năm aơ mbra n’glêh an tât muh măt rơh cán bộ khoa học công nghệ n’gâng tơm bah neh dak tâm 10 năm tât.