VOV4.M'nông: Nkah ndray 110 năm Nar deh wa Nguyễn Văn Cừ, (09/07/1912-09/07/2022) kêng măng 8/7, ta Bắc Ninh, Học viện Chính trị Quốc gia Hồ Chí Minh kan nsum đah Ban Tuyên giáo Trung ương n'hanh Tỉnh ủy Bắc Ninh Ƀư rgum nchră Khoa học “Tổng Bí thư Nguyễn Văn Cừ- Kruanh rđău kan ngăch prăl bah Đảng n'hanh cách mạng Việt Nam, nuĭh kon ntoh lư bah ƀon tơm Bắc Ninh”. Wa Nguyễn Văn Cừ deh tâm du rnăk nhà nho ach o, geh nău way ơm khoa bảng ta xã Phù Khê, nkuâl Từ Sơn, n'gor Bắc Ninh, aƀaơ mpeh thị xã Từ Sơn, n'gor Bắc Ninh. Du bông nău rêh nău kan cách mạng bah wa lah du nău ntĭt mpeh nuih n'hâm uĕh têh khlay bah nuĭh cộng sản, jêng Tổng Bí thư khay 3/1938. Đah 29 năm nău rêh, rlău 13 năm râng cách mạng, 7 năm geh nhŭp tâm ndrung krŭng phŭng rlăng, rlău bar năm ƀư Tổng Bí thư bah Đảng, Tổng Bí thư Nguyễn Văn Cừ hŏ geh ăp n'hâm suan têh kuâng an n'gâng kan cách mạng bah Đảng n'hanh rnoi nuĭh he./.

Nuĭh rblang: Điểu Thân