Thủ tướng lah rjăp aơ mô dơn lah ăp n'glĕ dŭt mpeh mông nar, ma lah trong hăn jŏ jong bah nău tiăr nti, nsơr soan n'hanh nuih n'hâm rŏng dak đah Đảng, đah neh dak, đah ƀon lan. Thủ tướng mĭn lah, Quốc khánh 2/9 lah nar lễ khlay bah rnoi nuĭh; aơ lah rnôk ndrel n'hao êng săk uănh tay njăr trong hăn 81 năm dah rŏng, đăp mpăn, dơn ngoăy, rdâk njêng, hun hao neh dak n'hanh nău dơi têh kuâng bah n'gâng kan cách mạng rlău 96 năm ta nâm nău rđău kan bah Đảng. Ta trong hăn nê hŏ nchih nkah ăp nău roh yot, n'hâm soan bah âk rơh kơn nuĭh Việt Nam, lơn lah ăp đảng viên âk năm - ăp nuĭh hŏ ơm gĭt nău mĭn cách mạng, hăn tĭng Đảng bah ăp năm khay neh dak hôm e âk jêr jŏt, krit jêr. Thủ tướng mpŏng ăp đảng viên đah nău tă ơm gĭt kan, nău gĭt blău n'hanh nău nsing nơm bah he, mât uănh tay, rgop nău ndâk njêng Đảng, ndâk njêng n'gâng kan; ntĭm nti, ntrŭt nsôr kon sau; trêng nti tay an rơh druh ndăm nuih n'hâm rŏng dak, nău mĭn nsrôih ndôr êng, nuih n'hâm dơn kan đah nsum mpôl n'hanh nău ŭch ndâk njêng ƀon tơm, neh dak têh ndrŏng.