VOV4.M'nông: Ôi 10/8, Thủ tướng Chính phủ Phạm Minh Chính, Kruanh Ƀan rđău đă Ngih dak ăp trong nchrăp kan khlay neh dak, rgum  tơm n'gâng kan ntung trong nchuăn rdeng (Ban rđău đă) ƀư tơm rơh hop pơk sŏng dănh Ban rđău đă. Tâm nchră nkre ƀư mâp na nê̆ n'hanh pơk sŏng dăng đah  bôk ƀoh ta Nhih pah kan Chính phủ đah UBND 33 n'gor, nkual ƀon têh mpeh Trung ương geh ăp trong nchrăp kan khlay.

Ta rơh hop bôk năp Ƀan rđău đă, Thủ tướng Phạm Minh Chính lah rjăp, ân ƀư lĕ n'hâm suan 3 trong kan đăt ndal, tâm nê geh đăt ndal mpeh ntung trong, rgum tâm ƀư ntung trong buăt nthoi nkual, rloh rlău ăp n'gor. Aƀaơ, mpeh tơm prăk hŏ n'hanh dôl an ƀư uĕh yor hŏ hŭch rnoh âk trong nchrăp kan ntuh kơl bah lam dak jŭr bah dâng 5.000 trong nchrăp, rgum an ăp trong nchrăp kan têh n'hanh hŏ rgum tơm prăk trung ương, n'gor,  rgum bah tơm prăk jong dah găp, tơm prăk dâk hao tay wăng sa- rêh jêng kon nuĭh, tơm prăk ntop sŏk geh mpêt nkrem dŏng. Thủ tướng an gĭt, gay njêng suan dăng rgum, ân njêng Ƀan rđău đă Ngih dak gay rđău đă ăp nău kan nsing ta nău dơn kan, n'glĕ nău dơi kan bah Chính phủ, ăp n'gâng kan, ăp n'gor gay tâm lăp nthoi tay nău kan, tĭng groi nđôi, ntrŭt ntrôl, dăn đă nkra ăp nău kŏ kol./.

Nuĭh rblang: Điểu Thân